Då Samuel var liten, tenkte og håpa at han kunne gifte seg med alle jenter som han likte. For han kom sikkert ikkje til å kunne velje berre ei. Men no har Samuel vald, han har vald Moa, og då har han på same tid vald bort dei andre. Når Josefine ringer og vil at ho og Samuel skal gå på kino, seier Samuel nei, men angrar straks. For Moa er på Oppdal og står på ski, og ho har ikkje ringt ein einaste gong. Og tenk om ho treffer ein annan?