Louise bur i Frankrike. På elleve-årsdagen sin går ho ut åleine midt under selskapet. Louise er blind, og innimellom vil ho vere litt for seg sjølv, sitte på ein benk i parken og berre vere åleine. Denne gongen får ho likevel selskap, av ein triveleg gammel mann som heiter Marc. Det er den kjende malaren Marc Chagall, men det veit ikkje Louise. Han ventar på regnbogen, og han er veldig glad i fargar. Louise liker også å snakke om fargar, sjølv om ho er blind. Bakerst i boka kan du lese litt om Marc Chagall.