Boka tek utgangspunkt i skulekvardagen, og her finn vi mykje dramatikk under overflata. Vi møter ho som går med kniv i skulesekken, kvifor gjer ho det? Og han som må lure seg til skulen, fordi han er forelska! Tynne Tommy tør ikkje gå åleine, så Ronny må hjelpe han, men gjett om han angrar då han skjønar årsaka til at Tommy er redd! Og Sigurd har ein far som er fyllik, noko han ikkje akkurat er stolt av. Det er ein indre spenning i alle disse novellene, og dei er og eit godt utgangspunkt for samtalar.