Det er på doen i kjellaren forteljaren les og han les mykje om mangt, alt frå Snorres kongesoger til Donald og Fantomet. Innanfor doen ligg vaskekjellaren. Her kjem ein dag eit lite esel trippande saman med sjølvaste Habakkuk, ein av profetane. Han har med ein rull av geiteskinn med nokre teikningar som viser seg å vere planar over ein do, ein do som forteljaren kan ha på sida av rommet sitt. Dette er ei original og humoristisk forteljing om lesing med mange og spennande referansar til litterære figurar som spenner over eit breitt register.