Gruvedrifta i Aberfoyle, Skottland, har vore nedlagd i ti år. Men ein dag får ingeniør James Starr eit hemmeleg brev frå den gamle arbeidsformannen Simon Ford, der han blir beden om å kome til Aberfoyle straks. Han og følgesveinane hans kjem i stor fare når dei møter dei mørke løyndomane i Dochart-gruva. Som så mange gonger før kombinerer Jules Verne her det han kan om teknikk og naturvitskap med fantasifulle eventyr i spennande miljø. Boka kom ut første gong i 1877, men dette er den første norske omsettinga.