Tarjei Vesaas budde i Vinje i Telemark, og heimstaden ligg som ein grunnvoll under alt han skreiv. Men i diktinga sprengjer han lokale grenser og stiller til kvar tid dei avgjerande spørsmåla i livet. Han kjende godt til angsten og avgrunnene i menneskesinnet, men også til kjærleiken og draumen. Olav Vesaas, son til diktaren, har granska ukjent materiale og har med den nære kjennskapen han hadde til far sin, skrivi ei eineståande innføring til diktaren og mennesket Tarjei Vesaas.