"Mamma, hvorfor har du ikke fortalt dette før"? Ja, det var spørsmålet som langt på veg gjorde at denne boka vart til. Vi satt på stølen, eldstemann og eg, der eg fortalte om Kambestemnet vi hadde her da eg var lita. Når denne vesle historia vart så interessant, kva med alt det andre av levd liv frå den same tida? Eit liv der så mykje er forandra, og slik så ulikt det er våre barn, barnebarn og oldebarn kjenner i dag - men røtene deira er her. Og kva veit dei om det vår mor og far hadde å fortelje frå sin barndom og oppvekst? "Fortell meg hvem du er", er tittelen på eit TV program. Det er det eg ynskjer, at boka kan fortelje til nye generasjonar om korleis livet på ein fjellgard arta seg i før - og etterkrigsåra. På gard og støl, i alt sitt mangfald. Slik kan vi kanskje forstå meir av kven vi er - for vi veit kor vi kjem ifrå. Og med ein takk til dei som gjekk vegen føre oss.