«No fær huset» er ei novellesamling der vi møter menneske som på kvar sitt vis ikkje heilt får det til. Ei kvinne bur åleine i ei mørk kjellarleiligheit, og dagens høgdepunkt er togturane med ein altfor taletrengd nabo. Ein mann slit med å få kvardagen til å henge saman etter at kona reiste, og kler opp eit fugleskremsel med kleda hennar. Eit par får stadig høyre kor vakkert barn dei har fått, men barnet utviklar seg ikkje normalt. Det handlar om kor vanskeleg det kan vere å leve eit heilt alminneleg liv, og dei erfaringane folk gjer seg om noko i tilværet ikkje går som planlagt. Omtala er utarbeidd av BS.