Svein er eit sjukleg barn, som i delar av oppveksten går inn og ut av sjukehus. Han blir operert fleire gonger, og er i lang tid ikkje i stand til å gå. Kva som eigentleg er i vegen med føtene hans, finn dei ikkje ut av. Mamma matar han, steller med han, hjelper han på alle måtar. Det vil seie, ho er ikkje den biologiske mora hans. Ho døydde like etter at ho hadde født han, så kvinna han kallar mor er i røynda ei dame som arbeidde i butikken til faren - og som tek på seg morsrolla. Utan at foreldra veit om det, begynner han å gå til båtbyggjeriet der han fortel om far, om butikken, om bestefar og så vidare. Tidsmessig er romanen lagt til tida etter 2. verdkrigen, men eg-personen som skriv historia, lever i Oslo i vår eiga tid og er altså ein svært godt vaksen mann.