Den mystiske labyrinten er djupe gangar og rom inne i fjellet, laga av tyske soldatar den gongen det var krig her i landet. Ingen har lov til å gå dit, for det kan vere farleg. Men det bryr dei tre kamaratane, Alfi, Nikko og Akil seg lite om. Dei har funne ei hemmeleg luke og oppdagar saker som tyskarane gløymde å ta med seg. Trude er 13 og eit år eldre enn dei tre gutane. Ho overraskar dei der ute, og snart skjønar dei at ho har funne noko inne i fjellhola, ho óg. Men kva er det ho driv på med? Er ho medspelar eller motspelar i alt dette som hender i Hitlers labyrint?